VÍSINDARANNSÓKN Á VEGUM ÍE OG SAMSTARFSAÐILA
LANGTÍMARANNSÓKN Á MINNI
1. Með því að smella á hnappinn “Ég samþykki” hér að neðan staðfesti ég vilja minn til þátttöku í ofannefndri rannsókn á minni. Nota má sýni og upplýsingar frá mér til rannsókna á minnissjúkdómum hafi viðkomandi rannsóknir hlotið samþykki Persónuverndar og Vísindasiðanefndar.
2. Ég staðfesti að hafa kynnt mér upplýsingatextann hér að framan um rannsóknina þar sem m.a. eðli, tilgangur, áhætta og skilmálar þátttöku eru kynnt og að ég hafi fengið viðunandi svör við spurningum mínum hjá starfsfólki rannsóknarinnar ef og þegar ég leitaði eftir þeim.
3. Ég samþykki að nota megi til rannsóknarinnar lífsýni og upplýsingar sem frá mér stafa og aflað hefur verið vegna fyrri þátttöku minnar í rannsóknum Íslenskrar erfðagreiningar. Þá samþykki ég að sé þess þörf megi hafa við mig samband til að draga úr mér 50ml af bláæðablóði í þeim tilgangi að einangra úr því erfðaefnið (kjarnsýru/DNA) og hvítar blóðfrumur til ræktunar.
4. Ég heimila að ópersónuauðkennd sýni verði send erlendis til greiningar eða mælinga sé þess þörf vegna rannsóknanna.
5. Ég samþykki að leitað verði, með minni aðstoð eða skv. minni tilnefningu, eftir þátttöku ættingja minna í rannsókninni, sé þess þörf.
6. Ég heimila ábyrgðarmönnum rannsóknarinnar að afla upplýsinga sem nauðsynlegar eru framgangi rannsóknarinnar úr sjúkraskrám mínum.
7. Ég samþykki að hafa megi samband við mig ef þörf er frekari upplýsinga eða sýna vegna rannsóknarinnar. Jafnframt að kynna megi fyrir mér framhaldsrannsóknir eða nýjar rannsóknir sem byggjast á gögnum þessarar rannsóknar, þar með talið arfgerð minni, öðrum mældum eiginleikum á lífsýnum úr mér eða upplýsingum sem ég hef veitt.
8. Með undirskrift minni hér að neðan afsala ég mér öllum kröfum til mögulegs fjárhagslegs hagnaðar af þessum rannsóknum.
Með því að smella á viðeigandi hnapp hér að neðan staðfestir þú að hafa lesið upplýsingarnar og samþykkið hér að framan og að þú annað hvort samþykkir eða hafnir þátttöku.