Móttaka

Þegar þátttakendur í rannsóknum koma í Þjónustumiðstöð rannsóknaverkefna er tekið á móti þeim í afgreiðslu, þeim afhent samþykki til undirritunar og oftast einnig spurningalisti til útfyllingar. Starfsfólk er tilbúið til að veita aðstoð við að fylla út eyðublöð og spurningalista og veita svör við þeim spurningum sem upp kunna að koma. Þegar skrifað hefur verið undir samþykkisyfirlýsingu og spurningalistar hafa verið fylltir út, gefa þátttakendur blóðsýni. Þeim er síðan þakkað fyrir þátttökuna og þeir leystir út með lítilli gjöf.

Starfsemi Þjónustumiðstöðvarinnar hefur gengið mjög vel allt frá opnun og tugþúsundir Íslendinga hafa komið í heimsókn og tekið þátt í rannsóknum sem vonandi munu skila komandi kynslóðum mikilvægri þekkingu til að bæta meðferð og forvarnir við algengum sjúkdómum.